"Hver er sinnar gæfu smiður"
Eigandi Goldfinger og nektardansmær voru sýknuð af ákæru um að einkadans hafi átt sér stað í lokuðu rými á Goldfinger. Dómararnir mátu það sem svo að ekki hafi verið um lokað rými að ræða þar sem það hefði verið hægt að opna það með því að draga tjaldið sem var fyrir frá. Svona hljómaði frétt í útvarpinu kl. 16 í dag.
Það er nú samt spaugilegt að skoða skilgreiningu vinnueftirlitsins á lokuðu rými í þessu samhengi.
Búin að vera netlaus í rúman hálfan mánuð. Vesen. Viðskiptavinur Vodafone. Síminn situr á grunnnetinu eins og gæs á gulleggi og er ekkert að flýta sér við að þjónusta viðskiptavini samkeppnisaðilans. Hvernig datt mönnum í hug að selja grunnnetið?
Bara eitt stórafmæli eftir í fjölskyldunni þetta árið. Mamma verður 75 ára níunda ágúst. Pabbi níræður í gær, veisla á Hrafnistu sl. sunnudag (sjá mynd) .
Sýning okkar Glöggra búin á Skaganum og tókst vel. Myndir verða líklega líka í lok sjónvarpsfrétta í kvöld. Annars eru myndir líka hér.
© Margrét O. Leópoldsdóttir • Klukkuberg 39 • 221 Hafnarfjörður • 551 5831 • 699 5831
