kreisí
Ráðhúsmarkaðurinn var kreieieieisí.
Vá hvað það var mikið fólk. Ég dó næstum því úr þreytu og verkjum í fótunum.
Það fóru út um 500 bæklingar frá mér. Og áhuginn var mikill og margir að pæla.
Gaman hvað það voru margir sem höfðu vit á handverki og höfðu orð á því sem vel var gert. Þá er vandvirknin ekki til einskis. Salan fór hægt af stað en gekk síðan mjög vel og ég seldi nánast allt sem ég átti. Er komin með pening fyrir hluta af næsta VISA reikning.
Því fer fjarri að ég lifi af þessu þó ég selji allt sem ég geri - afköstin eru ekki meiri - starfsorkan er ekki upp á marga fiska. Verst að helv. skatturinn trúir því ekki að ég selji ekki meir en ég geri. Ég ætla nú samt ekki að láta þá þvinga mig til að fara að skálda eitthvað upp.
