Á sunnudagskvöldið sl. hittumst við gamlar bekkjarsystur úr Varmalandsskóla. Sumar hafði ég ekki hitt síðan í 9. bekk (sem nú myndi kallast 10. bekkur). Rosalega gaman að hitta þær allar. Við stefnum á að hittast aftur fljótlega á næsta ári.

Sumum kann að finnast síðasta bloggfærslan mín harkaleg viðbrögð, að það sé nú ekki búið að sanna eitt né neitt. Ég segi bara, forsvarsmenn þessara verslanna (Krónunnar, Bónus, Hagkaups og Tíu ellefu) eru búnir að segja nóg til að mér sé nóg boðið. Burt sé frá samráði eða ekki. Það sem þeir viðukenna fúslega í fréttum er yfirdrifið nóg til að mér sé vægast sagt misboðið.

Systir mín hefur staðið Krónuna að því að hilluverð ljósaperu er annað en verðið við kassan þar sem það var helmingi hærra. En þegar hún gerði athugasemd við það þá var eftir miklar tilfæringar (þegar hún fór að hækka röddina) hægt að finna rétta verðið í kassanum. Bæði verslunarsjórar Bónus og Krónunnar segajast breyta verði á yfir 100 vörutegundum á dag eftir að hafa fengið upplýsingar um verð „samkeppnisaðilans". Er það í þágu neytenda? Nei svo aldeilis ekki. Ég vil geta verslað ódýrt í Bónus fyrir hádegi og seinnipartinn en ekki bara um miðjan daginn.  Hverning í ósköpunum á ég að geta fylgst með verði og borðið saman milli verslanna ef verðið breytist mörgum sinnum á dag. Verslunarstjóri í Bónus viðurkennir að ódýrustu kjötvörurnar séu kallaðar verðkönnunnarkjöt, það sé "vinnuheiti" og þær vörur séu oft á botni frystisins eða kælissins. Hvað segir þetta manni? Ha?  Mér finnst óþolandi að ef ég versla í Bónus sem fréttamaður þá fái ég vöruna ódýrari. Hvaða rugl er það?

Finnur Árnason forstjóri Haga (Bónus Hagkaup og tíu ellefu) viðurkennir að í Bónus sé verðið á vörunni ekki alltaf það sama inni í búð og við kassan. Það er ólöglegt. Við höfum skýlausan rétt á því að borga það verð fyrir vöruna sem hún hefur í hillunni. Finnur segir að því miður komi þetta fyrir. Ég segi bara líka því miður dugar mér ekki þessi afsökun. Hvernig væri að nýta starfskrafta starfsfólksins í að hafa þetta atriði í lagi en ekki vera út um allan bæ að hnýsast og breyta verðum mörgum sinnum á dag! Eina leiðin til að versla við þessar verslanir er að taka mynd af hilluverði (þar sem eru rafrænar merkingar dugar ekki að skrifa verðið hjá sér) hverrar einustu vöru sem ég versla í viðkomandi búiðum og bera það svo saman við það sem kemur á kassanum... hver hefur tíma í svoleiðis rugl?

Svo þvinga þeir byrgjana til að taka á sig verðlækkanirnar en gefa ekki eftir krónu sjálfir þegar þeir eru með vörur á lágmarksverði (það er nú ekki svo sjaldan sem þeir hafa stært sig af því að borga með vörunni til að geta boðið neytendum hagstæð verð... nei nei, þá eru það bara aumingja kartöflubændurinir sem sitja eftir með sárt ennið).

Héðan í frá fær kaupmaðurinn á horninu mín matvöru innkaup:

Melabúðin

Pétursbúð, Ránargötu 15

Rangá, Skipasundi 56

Sunnubúðin, Mávahlíð 26

Fjarðarkaup Hafnarfirði

Ég hvet alla til að gera það sama!

Koma svo... allir saman nú!

Stefán Máni skrifaði pistil í Fréttablaðið í gær með yfirskriftinni: Brynja ég elska þig. Þær upplýsingar sem þar komu fram gera það að verkum að ég elska Brynju heitar en áður . Ég er hætt að versla við Byko, þeir selja 10 skrúfur á 500 kr sem hægt er að fá á 250 kr í Brynju. Ég hef alltaf verslað mikið í Brynju enda er hún í 3 mín. göngufjarlægð hjá mér og í henni fæst alltaf það sem ég leita að, alltaf.  Ég er hætt að halda framhjá Brynju, héðan í frá verður hún mín bygginggavöruverslun. Ég vil geta keypt eina skrúfu (það er ekki hægt í Byko) og ekki er verra að hún er hræódýr.